İnzibati xətalarla bağlı
Azərbaycan Respublikası
Beyləqan rayonu İcra hakimiyyəti başçısının
Ə M R İ
№-74 18 aprel 2017-ci il
İnzibati xətalar haqqında işlərə Azərbaycan Respublikasının Beyləqan rayon İcra hakimiyyəti adından baxmağa səlahiyyəti olan vəzifəli şəxslərin siyahısı” barədə
“İnzibati xətalar haqqında işlərə baxmağa səlahiyyətli vəzifəli şəxslərin Siyahısı”nın təsdiq edilməsi barədə Azərbaycan Respublikası Prezidentinin 23.02.2017-ci il tarixli 1256 nömrəli Fərmanının 5-ci bəndinin icrasını təmin etmək məqsədilə “Yerli İcra hakimiyyətləri haqqında Əsasnamə”nin 4.15.6-cı maddəsinə uyğun olaraq
ƏMR EDİRƏM:
1. “İnzibati xətalar haqqında işlərə Beyləqan rayon İcra hakimiyyəti adından baxmağa səlahiyyəti olan vəzifəli şəxslərin Siyahısı” təsdiq edilsin.(əlavə olunur)
2. Rayon İcra hakimiyyəti başçısının müavini-İctimai-siyasi və humanitar məsələlər şöbəsinin müdiri A.Mirzəyevaya tapşırılsın ki, inzibati xətalar haqqında işlərə baxmağa səlahiyyəti olan vəzifəli şəxslərin siyahısını Beyləqan rayon İcra hakimiyyətinin rəsmi internet səhifəsində yerləşdirilməsini təmin etsin.
Beyləqan rayonu İcra
hakimiyyətinin başçısı: Vaqif Abdullayev
Beyləqan rayon İcra hakimiyyəti başçısının
18 aprel 2017-ci il tarixli, 74 nömrəli Əmri ilə
təsdiq edilmişdir
“İnzibati xətalar haqqında işlərə Beyləqan rayon İcra hakimiyyəti
adından baxmağa səlahiyyəti olan vəzifəli şəxslərin siyahısı”
Azərbaycan Respublikasının İnzibati Xətalar Məcəlləsinin 428.7, 454, 455.1-ci maddələrində nəzərdə tutulmuş inzibati xətalar haqqında işlərə - Başçının müavini-Sosial-iqtisadi inkişafın təhlili və proqnozlaşdırılması şöbəsinin müdiri, şöbə müdirinin müavini, baş məsləhətçi;
Azərbaycan Respublikasının İnzibati Xətalar Məcəlləsinin 189.1, 189.3, 189.4, 512 və 522-ci maddələrində nəzərdə tutulmuş inzibati xətalara dair işlərə- Başçının müavini-İctimai-siyasi və humanitar məsələlər şöbəsinin müdiri, Yetkinlik yaşına çatmayanların işləri və hüquqlarının müdafiəsi üzrə komissiyanın sədri;
Azərbaycan Respublikasının İnzibati Xətalar Məcəlləsinin 400 və 587-ci maddələrində nəzərdə tutulmuş inzibati xətalar haqqında işlərə - İcra hakimiyyəti başçısı aparatının ərazi idarəetmə və yerli özünüidaretmə orqanları iş şöbəsinin müdiri, baş məsləhətçi;
Azərbaycan Respublikasının İnzibati Xətalar Məcəlləsinin 319.1, 320.1 və 455.2-ci maddələrində nəzərdə tutulmuş inzibati xətalar haqqında işlərə - İcra hakimiyyəti başçısı aparatının hüquq şöbəsinin müdiri;
Azərbaycan Respublikasının İnzibati Xətalar Məcəlləsinin 393, 395 və 396-cı maddələrində nəzərdə tutulmuş inzibati xətalar haqqında işlərə - İcra hakimiyyəti başçısı aparatının memarlıq və tikinti şöbəsinin müdiri-baş memar, böyük məsləhətçi.
