20 Yanvar şəhidlərinin xatirəsi Beyləqan rayonunda da anıldı.

19  yanvar  2015-ci  il  tarixdə  respublikamızın  hər  bir  regionunda  olduğu  kimi  rayonumuzda  da  1990-cı  il  20  Yanvar  şəhidlərinin  xatirəsi  böyük  ehtiramla  anıldı.
Beyləqan  İcra  hakimiyyətinin  başçısı  Vaqif  Abdullayev, İcra  hakimiyyətinin  aparat  işçiləri,  hüquq  mühafizə  orqanlarının  rəhbərləri, “N” saylı  hərbi  hissələrin  əsgər  və  zabitləri, vergi  işçiləri, polis  işçiləri  və  əməkdaşları, idarə, müəssisə  işçiləri, rayon   ictimaiyyətinin  nümayəndələri, Qarabağ müharibəsi  veteranlar,  ağsaqqallar, mətbuat  işçiləri  şəhərimizin  20  Yanvar  küçəsində  torpaqlarımızın  azadlığı  uğrunda  canlarından  keçən  igidlərin  xatirəsinə  ucaldılmış  abidə  kompleksinin  önünə toplaşmışlar.Əvvəlcə  20  Yanvar  şəhidlərinin  xatirəsinə  dualar  oxundu.
Beyləqan  İcra  hakimiyyətinin  başçısı  Vaqif  Abdullayev  çıxış  edərək  bildirdi  ki, 20  Yanvar  faciəsindən  25  il  ötməsinə  baxmayaraq  xalqımız  həmişə  şəhidlərimizi  xatırlayır.
Çıxışında  Vaqif  Abdullayev  25  il  öncə  SSRİ  höküməti  və  o  vaxt  ki, Azərbaycan  rəhbərliyinin  xəyanətkarlığı  nəticəsində  törənmiş  20  Yanvar  faciəsindən  ətraflı  danışdı.Qeyd  etdi  ki,  20  Yanvarı  bütövlükdə  xalqın  milli  ideyaları  uğrunda  şanlı  mübarizəsini,  bu  yolda  hər  cür mərhumiyyətə  sinə  gərmək  əzmini  özündə  təcəssüm  etdirən  gün  kimi  səciyyələndirir.Yalnız  Azərbaycan  xalqının  Ümumilli  Lideri  Heydər  Əliyevin  ölkə  rəhbərliyinə  qayıdışından  sonra, 1994-cü  ildə  20  Yanvar  hadisələrinin  mahiyyəti  məhz  onun  təşəbbüsü  və  bilavasitə  iştiraı  ilə  açıqlandı, onlara  siyasi-hüquqi  qiymət  verildi  və  cinayət  törədənlərin  adları  ictimaiyyətə  çatdırıldı.
Vaqif  Abdullayev  20  Yanvar  şəhidlərinə  göstərilən  dövlət  qayğısından  da  söz  açdı.Qeyd  etdi  ki, Azərbaycan  Respublikasının  Prezidenti  cənab  İlham  Əliyev  ənənəyə  sadiq  olaraq  20  Yanvar  hadisələri  zamanı  Vətənin  azadlığı  uğrunda  canından  keçmiş  şəhidlərin  adnın əbədiləşdirilməsi, onların  ailələrinin  sosial  vəziyyətinin  yaxşılaşdırılması  üçün  sərəncamlar  imzalamışdır.
Sonra  tədbir  iştirakçıları Beyləqan rayon Mədəniyyət və Turizm şöbəsinin 20 Yanvar faciəsinin 25-ci ildönümü münasibəti ilə hazırladıqları “Qan qılınca qalib gəldi” ədəbi-bədii kompoziyasına baxmışlar.