ƏƏSMN-nın 6 rayonu əhatə edən 3 TSEK-i müasir tələblərə uyğun yeni iş yerləri ilə təmin olundu.
25 fevral 2015-ci il tarixdə Beyləqan şəhərində Beyləqan və Fizuli rayonları üzrə 37 saylı Tibbi-Sosial Ekspert Komissiyaları (TSEK) yeni inzibati binasının açılış mərasimi olmuşdur.Tədbirdə Beyləqan rayon İcra hakimiyyətinin başçısı cənab Vaqif Abdullayev, Azərbaycan Respublikası Əmək və Əhalinin Sosial Müdafiəsi Nazirliyinin nazir müavini Natiq Məmmədov, Beyləqan rayon hüquq-mühafizə orqanlarının rəhbərləri, idarə, müəssisə rəhbərləri iştirak etmişlər.
Respublikanın bölgələrində əhaliyə tibbi-sosial ekspertiza xidmətinin maddi-texniki bazasının yaxşılaşdırılması və əlillik müayinələrinin müasir tələblərə uyğun şəraitdə aparılmasını təmin olunması Azərbaycan Respublikası Əmək və Əhalinin Sosial Müdafiəsi Nazirliyinin (ƏƏSMN) diqqət mərkəzindədir.
