15.07.2025-ci il tarixdə Dünyamalılar kəndində növbəti səyyar qəbul-görüş keçirildi.
15 iyul 2025 | 19:45
Beyləqan rayonunda əhalinin mövcud problemlərinin yerində öyrənilərək operativ həlli məqsədilə 15 iyul 2025-ci il tarixdə Rayon İcra Hakimiyyətinin başçısı Əziz Əzizovun Dünyamalılar kənd sakinləri ilə səyyar qəbul-görüşü keçirilib.
Qəbulda rayonun hüquq-mühafizə orqanlarının rəhbərləri, RİH başçısının müavinləri və aparatın şöbə müdirləri, xidmət təşkilatlarının nümayəndələri də iştirak ediblər.
Görüş iştirakçıları əvvəlcə Vətən uğrunda canını fəda etmiş şəhidlərin əziz xatirəsini bir dəqiqəlik sükutla yad ediblər.
Çıxış edən Rayon İcra Hakimiyyətinin başçısı Əziz Əzizov Beyləqan rayonunun sosial-iqtisadi inkişafı istiqamətində həyata keçirilən tədbirlər, kənd təsərrüfatı və infrastruktur sahəsində görülən işlər, həmçinin əhalini narahat edən əsas məsələlərin həlli ilə bağlı atılan addımlar barədə ətraflı məlumat verib. Bildirilib ki, sakinlərin rifah halının yüksəldilməsi və mövcud problemlərin aradan qaldırılması istiqamətində görülən işlər gələcəkdə də ardıcıl şəkildə davam etdiriləcəkdir.
Görüş zamanı kənd sakinləri qaldırdıqları məsələlərlə bağlı onları narahat edən problemləri, eləcə də təkliflərini səsləndirib və müvafiq izahlar alıblar. Onların müraciətləri qeydə alınaraq nəzarətə götürülüb.
Dünyamalılar kəndinin sakinləri dövlət tərəfindən bölgələrə göstərilən diqqət və qayğıya, xüsusilə Prezident İlham Əliyevin rəhbərliyi ilə regionların inkişafına yönəlmiş islahatlara görə minnətdarlıqlarını bildiriblər.
Keçidlər
