17.08.2024 cü il tarixdə rayonun Bahar qəsəbəsində Qəhrəmanlı və Bahar qəsəbəsi şəhidlərinin xatirəsinə həsr olunmuş futbol turniri keçirildi.
16 avqust 2024 | 20:49
Turnirdən öncə Bahar qəsəbəsində dəfn olunmuş şəhid məzarları ziyarət olundu,ruhlarına dualar oxundu.
Turnirin açılışında İcra başçısı Əziz Əzizov,aparatın şöbə müdirləri,şəhid ailələri və kənd sakinləri iştirak etdilər.
Bahar qəsəbə stadionunda baş tutan turnirdə əvvəlcə Azərbaycan Respublikasının Dövlət Himni səsləndirilmiş, sonra Ulu öndər Heydər Əliyevin və Azərbaycanın ərazi bütövlüyü uğrunda canlarından keçmiş şəhidlərin xatirəsi bir dəqiqəlik sükutla yad edildi.
Turnirin açılış mərasimində çıxış edən icra başçısı Əziz Əzizov ölkəmizin azadlığı, istiqlaliyyəti və müstəqilliyi uğrunda canlarını qurban vermiş şəhidlərimizin xatirəsinə həsr olunmuş turnirin keçirilməsinin milli vətənpərvərlik hissinin daha da artırılmasına öz müsbət töhfəsini verəcəyini bildirdi. Qeyd etdi ki, torpaqlarımızın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olmuş Vətən müharibəsində şəhid olanların tarixə qəhrəmanlıq salnaməsi yazdıqlarını, onların xatirəsinin yaddaşlardan heç vaxt silinməyəcəyini və şəhidliyin müqəddəs bir zirvə olduğunu qeyd etmiş, bu cür yarışların keçirilməsinin gənclərin asudə vaxtlarının səmərəli təşkili, gənclərə sağlam həyat tərzinin aşılanması, onların vətənpərvərlik ruhunda tərbiyəsində bədən tərbiyəsi və idmanın rolunun artırılması, futbolun kütləviliyinə nail olmaq, rayon gəncləri arasında futbolun təbliği, futbolçuların idman ustalıqlarının artırılmasında böyük rolu olduğunu vurğulamış və qalib komandalara uğurlar arzulamışdır.
Qəhrəmanlı və Bahar qəsəbə şəhidlərinin xatirəsinə həsr olunmuş turnir Silahlı Qüvvələrin hərbçisi ,kapitan Adışirin Quluzadənin təşəbbüsü və təşkilatçılığı,Xudaverdi Tumasovun hakimliyi ilə 8 komanda (“Bahar-1”, ”Bahar-2”, "Baharabad", ”Qəhrəmanlı” ,”Eyvazalılar”, “Yuxarı Çəmənli”,”Aşağı Çəmənli “ və “1-ci Şahsevən” komandaları) arasında keçirildi.
Keçidlər
