Beyləqan rayonunda Hesabat yığıncağı keçirilmişdir.

07.02.2018-ci ildə Beyləqan rayon Mədəniyyət Sarayında Beyləqan rayonunda 2017-ci ilin sosial-iqtisadi inkişafının yekunlarına və 2018-ci ildə  qarşıda duran vəzifələrə həsr olunmuş hesabat yığıncağı keçirilmişdir. Yığıncaqdan əvvəl rayon rəhbərliyi və qonaqlar tərəfindən ümumilli lider Heydər Əliyevin abidəsi önünə gül dəstələri qoyulmuş, sonra Mədəniyyət Sarayının foyesində Beyləqan rayonunda istehsal edilən kənd təsərrüfatı məhsullarının sərgisinə baxış keçirilmişdir.
Beyləqan rayonu İcra hakimiyyətinin başçısı cənab Vaqif Abdullayevin məruzəsində bildirilib ki, Regionların sosial-iqtisadi inkişafın yeni mərhələsinin tələblərinə uyğun olaraq Beyləqan rayonunda kənd təsərrüfatının və sənayenin inkişafı Ekologiya və təbii sərvətlərdən səmərəli istifadə edilməsi, nəqliyyat-yol infrastrukturunun, elektrik enerjisinin, istilik və qaz təchizatının, su təsərrüfatı və kanalizasiya sistemləri xidmətlərini yaxşılaşdırılması, aqrar sektorun meliorasiya-irriqasiya və digər infrastrukturun təminatı, təhsil, səhiyyə, mədəniyyət və idman müəssisələrinin inkişafı və  yeniləşməsi kimi həlli vacib olan mühüm tədbirlər nəzərdə tutulmuşdur. Həmin tədbirlərin icrası istiqamətində görülən işlər  sayəsində rayonun  sosial-iqtisadi inkişafında irəliləyişlərə nail olunmuşdur. Ümumilikdə 2017-ci il ərzində 12820 iş yeri açılmış, onlardan 1087-si daimi iş yeridir.
Rayonda 2017-ci ildə 8550 hektar sahədə pambıq əkilmişdir.  Bu ilin  sonuna qədər  15726 ton pambıq yığılmış, bu da keçen ilin müvafiq dövrü ilə müqaisədə 2 dəfə çoxdur.
Respublikada sahibkarlığın inkişafına göstərilən dəstək rayonumuzda da, proritet  məsələ kimi daim nəzarətdə saxlanılmışdır. Sahibkarlığa Kömək Milli Fondun xətti ilə 21 lahiyəyə 208800 manat kredit ayrılmışdır. Bunun nəticəsində 29 yeni iş yeri açılmışdır.
Yığıncaqda qarşıda duran vəzifələrdən də danışılıb. Bildirilib ki, 2018-ci ildə 12500 hektar sahədə pambıq əkilməsi, müasir heyvandarlıq təsərrüfatının yaradılması, yol infrastrukturunun yaxşılaşdırılması və digər tədbirlərin həyata keçirilməsi nəzərdə tutulmuşdur.
Yığıncaqda Azərbaycan Respublikası Prezidenti Administrasiyasının məsul işçisi Əflatun Rufiyev iştirak etmişdir.