25 fevral 2025-ci il tarixdə Beyləqan Rayon İcra Hakimiyyətinin başçısı Əziz Əzizov sakinlərlə növbəti səyyar görüş keçirib.
25 fevral 2025 | 20:54
Dövlət başçısının tapşırıq və göstərişlərinə uyğun olaraq, əhalini narahat edən problemlərin yerlərdə birbaşa həlli məqsədilə Beyləqan Rayon İcra Hakimiyyətinin başçısı tərəfindən fevralın 25-də Şərq qəsəbəsində səyyar görüş keçirilib.
Görüşdə Rayon İcra Hakimiyyəti başçısının müavinləri və Aparatının əməkdaşları, rayonun hüquq-mühafizə orqanlarının, xidmət sahələrinin rəhbərləri də iştirak edib. İlk öncə şəhidlərin xatirəsi bir dəqiqəlik sükutla yad edilib.
Beyləqan Rayon İcra Hakimiyyətinin başçısı Əziz Əzizov qəsəbə sakinlərini Novruzun ilk çərşənbəsi olan Su çərşənbəsi münasibətilə təbrik edib, onlara xoş bayramı əhvali-ruhiyyəsi arzulayıb.
Ə.Əzizov regionların inkişafı üzrə dövlət proqramlarından, əhalinin sosial vəziyyətinin yaxşılaşdırılması istiqamətində qəbul edilən fərman və sərəncamlardan, eyni zamanda Beyləqan rayonu ərazisində həyata keçirilən infrastruktur layihələr, abadlıq-quruculuq, əsaslı təmir işləri ilə bağlı ətraflı məlumat verib.
Daha sonra sakinlərin müraciətləri dinlənilib və onları narahat edən müxtəlif məsələlər aidiyyəti məsul şəxslərin iştirakı ilə müzakirə edilib, qanunamüvafiq izahatlar verilərək həlli nəzarətə götürülüb.
Görüşdə iştirak edən sakinlər müraciətlərinə həssaslıqla yanaşılmasından məmnunluqlarını bildirərək, yaradılan şəraitə görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.
Keçidlər
