Beyləqan rayon İcra hakimiyyətinin başçısı Asif Ağayevin vətəndaşlarla növbəti səyyar qəbulu -görüş keçirilmişdir.
22 yanvar 2019-cu il tarixdə Beyləqan rayon İcra hakimiyyətinin başçısı cənab Asif Ağayevin Beyləqan rayonu İmamverdili kənd sakinləri ilə növbəti səyyar görüşü keçirilmişdir.Görüşdə rayon İcra hakimiyyəti başçısının müavinləri, İcra hakimiyyətinin məsul işçiləri, rayonun hüquq mühafizə orqanlarının və xidmət sahələrinin rəhbərləri iştirak etmişdir.125 nəfər sakinin iştirak etdiyi tədbirdə görüşü rayon İcra hakimiyyətinin başçısı cənab Asif Ağayev açaraq Azərbaycan Respublikasının Prezidenti cənab İlham Əliyevin rəhbərliyi altında ölkədə sosial – iqtisadi sahədə əldə edilmiş nailiyyətlərdən danışdı və daha sonra sakinləri narahat edən məsələlər barəsində çıxış etmələrini xahiş etdi.
Rayonun İmamverdili kənd sakinləri çıxış edərək ərazidə gedən abadlıq və quruculuq işlərinə görə ölkə rəhbərliyinə minnətdarlıqlarını bildirdilər və onları narahat edən bəzi məsələləri aradan qaldırılması istiqamətində öz təkliflərini verdilər.Rayon İcra Hakimiyyəti başçısı cənab Asif Ağayev sakinlər tərəfindən qaldırılan məsələləri dinləyərək həmin məsələlərin nəzratə götürülməsi və qısa zaman ərzində həll olunması istiqamətində müvafiq tapşırıqlar verdi.
.JPG)
