Beyləqan rayon İcra hakimiyyətinin başçısı Asif Ağayevin vətəndaşlarla növbəti səyyar qəbulu -görüş keçirildi.

19 fevral 2019 | 16:00

19 fevral 2019-cu il tarixdə Beyləqan rayonu Mil qəsəbəsində əhalinin problemlərinin yerində öyrənilməsi və həll edilməsi məqsədilə rayon İcra hakimiyyətinin başçısı cənab Asif Ağayevin növbəti səyyari görüşü keçirilmişdir. Tədbirdə rayon İcra hakimiyyəti başçısının müavinləri, aparatın şöbə müdirləri, idarə, müəssisə və təşkilat rəhbərləri, qəsəbə sakinləri və ərazidə müvəqqəti məskunlaşmış məcburi köçkünlər iştirak etmişdir.
Görüşdə sakinlər tərəfindən qaldırılan müxtəlif məzmunlu məsələlər rayon rəhbəri tərəfindən dinlənilmiş, müvafiq izahatlar verilmişdir. Vətəndaşların qaldırdıqları məsələlərin həlli istiqamətində aidiyyəti üzrə bir sıra vəzifəli şəxslərə, təşkilat rəhbərlərinə tapşırıqlar verilərək onların həlli nəzarətə götürülmüşdür.
Qəbulda çıxış edən rayon icra hakimiyyətinin başçısı cənab Asif Ağayev keçirilən bu cür səyyar görüşlərin əhalinin qayğı və problemlərinin operativ həllinə geniş imkan yaratdığını bildirmişdir.
Çıxış edən sakinlər rayonda gedən abadlıq və quruculuq işlərinə görə ölkə rəhbərliyinə minnətdarlıqlarını bildirib və ərazilərdə mütəmadi olaraq keçirilən səyyar qəbul və görüşlərin böyük əhəmiyyət daşıdığını vurğulayıblar.

Keçidlər