44 günlük Vətən savaşı zamanı şəhid olmuş Qasımov Qoşqar Atakişi oğlunun şəhadətinin dördüncü ildönümü qeyd olunub.
25 oktyabr 2024 | 21:00
Qəhrəman şəhidimiz Qasımov Qoşqar Atakişi oğlunun şəhadətinin dördüncü ildönümü ilə əlaqədar Beyləqan Rayon İcra Hakimiyyətinin başçısı Əziz Əzizov YAP rayon təşkilatının sədri, hüquq mühafizə orqanlarının rəhbərləri və RİH-nin məsul işçiləri ilə birlikdə şəhidin ailəsini Aşağı Çəmənli kəndində evində ziyarət edib.
RİH başçısı şəhidin yaxınlarına baş sağlığı verərək onlara vətənə layiq belə övlad böyütdükləri üçün təşəkkür edib. Azərbaycan Respublikasının Prezidenti, Ali Baş Komandan İlham Əliyevin rəhbərliyi altında Müzəffər Ordumuzu hərbi əməliyyatlar zamanı misilsiz rəşadətindən danışan rayon rəhbəri, Qoşqar kimi qəhrəmanlarımızın şücaəti, cəsarəti hesabına Azərbaycanın suverenliyinin, ərazi bütövlüyünün bərpa edildiyini diqqətə çatdırıb.
Şəhidin valideynləri qəhrəman şəhidimiz Qoşqarın həyat və döyüş xatirələrini ziyarətçilərlə bölüşüb, onlara göstərilən diqqət və qayğıya görə Azərbaycan Respublikasının Prezidenti İlham Əliyev və Birinci vitse-prezident Mehriban xanım Əliyevaya minnətdarlıqlarını bildiriblər.
Qoşqar Qasımov, Azərbaycan Silahlı Qüvvələrinin giziri olaraq xidmət etmişdir. 2020-ci il sentyabrın 27-də, Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpası məqsədilə başlanan Vətən müharibəsi dövründə o,Cəbrayılın və Qubadlının azadlığı uğrunda gedən döyüşlərdə iştirak etmişdir.
Oktyabrın 24-də Qubadlı döyüşləri zamanı qəhrəmancasına şəhid olmuşdur. Onun mübarizəsi və igidliyi, döyüşdəki şücaəti yüksək qiymətləndirilmişdir.Qoşqar Qasımov, Azərbaycan Respublikasının Prezidenti İlham Əliyevin sərəncamlarına əsasən “Vətən uğrunda” ,“Cəbrayılın azad olunmasına görə” və “Qubadlının azad olunmasına görə” medalları ilə təltif edilmişdir:
Keçidlər
