Beyləqan Rayon İcra Hakimiyyətində vətəndaş qəbulu keçirilib.
04 iyun 2025 | 13:07
İyunun 4-də Beyləqan Rayon İcra Hakimiyyətinin başçısı Əziz Əzizovun rəhbərliyi ilə növbəti vətəndaş qəbulu keçirilib.
Rayon İcra Hakimiyyətinin inzibati binasında təşkil olunmuş qəbulda RİH başçısının müavinləri, şöbə müdirləri, idarə, müəssisə və xidmət sahələrinin rəhbərləri də iştirak ediblər.
Qəbul zamanı hər bir vətəndaşın müraciəti rayon rəhbəri tərəfindən fərdi qaydada dinlənilib, səsləndirilən problemlərin həlli istiqamətində aidiyyəti qurumlara müvafiq tapşırıqlar və göstərişlər verilib. Eyni zamanda, vətəndaşlara müraciət etdikləri məsələlər üzrə qanunvericiliyin tələbləri izah olunub, İcra Hakimiyyətinin səlahiyyətləri çərçivəsində həlli mümkün olan məsələlərlə bağlı zəruri tədbirlərin görüləcəyi bildirilib.
Sakinlər onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya dərin minnətdarlıqlarını ifadə ediblər.
Keçidlər
