Beyləqan Rayon İcra hakimiyyətinin inzibati binasında yenidənqurma işləri başa çatmışdır.
29 noyabr 2024 | 15:53
Bir müddət əvvəl icra hakimiyyətinin inzibati binasında başlayan təmir və yenidənqurma işləri başa çatmışdır.
Binanın dam örtüyündə, fasadının üzlük hissəsində çatışmazlıqlar aradan qaldırılmış,bütün mərtəbələrdə yenidənqurma işləri aparılmışdır. Binanın təmiri zamanı işlərin yüksək səviyyədə görülməsinə xüsusi diqqət yetirilmişdir. Binanın foyesi yenidən qurulmuş, giriş hissəsi müasir üslubda keyfiyyətli materialllarla təmir edilmişdir.
Binanın foyesində ulu öndər Heydər Əliyevə həsr olunmuş guşə yenilənmişdir.
1-ci mərtəbədə 100, 2-ci mərtəbədə 200 yerlik konfrans zalı yaradılmışdır.
İcra aparatının rəhbərliyinin və əməkdaşlarının iş şəraitinin yaxşılaşdırılması məqsədilə yeni iş otaqları yaradılmış və ya təmir edilərək onların istifadəsinə verilmişdir.
İnternet,telekommunikasiya xətləri yenilənmiş, soyuducu və isidici sistemlər qurulmuşdur, kamera nəzarət sistemi yenilənmiş, müasir işıqlandırma sistemi yaradılmışdır. Binaya yeni elektrik xətləri çəkilmiş, daxili elektrik xətləri tamamilə yenilənmişdir.
Keçidlər
