Beyləqan rayonunda 5 mart – Bədən Tərbiyəsi və İdman Günü qeyd edilib.

05 mart 2025 | 15:47

Beyləqan Rayon İcra Hakimiyyətinin təşkilatçılığı ilə İdman kompleksində keçirilən tədbirdə rayon İcra Hakimiyyətinin başçısı Əziz Əzizov, hüquq mühafizə orqanlarının rəhbərləri, icra aparatının əməkdaşlarl,dövlət orqanlarının yerli idarələrinin və xidmət sahələrinin rəhbərləri, idmançılar və rayon ictimaiyyəti iştirak ediblər.

Tədbir Dövlət Himninin səsləndirilməsi ilə başlayıb, Ümummilli lider Heydər Əliyevin və ölkəmizin ərazi bütövlüyü uğrunda canından keçən şəhidlərin əziz xatirəsi bir dəqiqəlik sükutla yad edilib.

Tədbirdə çıxış edən icra başçısı Əziz Əzizov idmançıları və idmansevərləri 5 mart – Bədən Tərbiyəsi və İdman Günü münasibətilə təbrik edib, idmanın inkişafında və gələcək yarışlarda onlara uğurlar arzulayıb. Qeyd edib ki, ölkəmizin idman sahəsində qazandığı yüksək nəticələrin təməli Ulu Öndər Heydər Əliyev tərəfindən qoyulub və bu gün də Azərbaycan Respublikasının Prezidenti cənab İlham Əliyev və Birinci vitse-prezident Mehriban xanım Əliyeva tərəfindən uğurla davam etdirilir. Qabaqcıl idman ölkələrindən biri olan Azərbaycanın hazırda beynəlxalq Olimpiya hərəkatının fəal üzvlərindən biri olduğunu vurğulayıb.

Sonra çıxış edən Beyləqan rayon Karate idman növü üzrə məşqçi müəllim Sahib Nəsibov,alpaqut döyüş növü üzrə məşqçi müəllim İlham Quliyev 5 mart – Bədən Tərbiyəsi və İdman Günü münasibətilə bütün idman ictimaiyyətini təbrik edib, ölkəmizdə idmana olan dövlət qayğısından, bu sahədə həyata keçirilən tədbirlərdən, idman və bədən tərbiyəsinin inkişafı, kütləviliyin təmin edilməsi məqsədilə görülən işlərdən danışıblar.

Daha sonra tədbir iştirakçıları tərəfindən yeniyetmə və gənc idmançıların nümunəvi çıxışlarına baxış keçirildi.

Bir qrup idmançı və məşqçi-müəllimlər idman sahəsində qazandığı nailiyyətlərə görə rayon İcra Hakimiyyəti tərəfindən Fəxri Fərmanla təltif olunub.

Sonda idmançılarla xatirə şəkli çəkilib.