Beyləqan rayonunda “Yaşıl dünya naminə həmrəylik ili” çərçivəsində silsilə tədbirlər davam etdirilir.
24 oktyabr 2024 | 19:10
Bəhrəmtəpə-Mincivan avtomobil yolunun sol tərəfində, Füzuli rayonundan Beyləqanın inzibati ərazisinə girişdə rayonun ad göstəcisinin ətrafında ağacəkmə aksiyası keçirilib.
Aksiyada Beyləqan rayon İcra Hakimiyyətinin başçısı Əziz Əzizov, rayonun hüquq-mühafizə orqanlarının rəhbərləri, YAP Beyləqan rayon təşkilatının sədri, RİH başçısının müavinləri və aparatın əməkdaşları, idarə, müəssisə, təşkilatların və rayon ictimaiyyətinin nümayəndələri iştirak edib.
Aksiya zamanı yerli iqlim şəraitinə uyğun olan 200 ədəd küknar, eldar şamı və qarağac əkilib, onlara aqrotexniki qulluq göstərilib, ərazidə təmizlik və abadlıq işləri aparılıb.
Aksiyada əsas məqsəd yaşıllıq zolaqlarının genişlənməsi, ekoloji tarazlığın bərpası, ekoloji mühitin sağlamlaşdırılmasının sürətlənməsi, eləcə də insanlar arasında ekoloji mədəniyyətin və təbiətə qayğı hissinin güclənməsinə böyük töhfə verməkdir.
Keçidlər
