Beyləqanda Novruzun ikinci çərşənbəsi – Od Çərşənbəsi qeyd olunub
03 mart 2026 | 19:57
Novruz ərəfəsində təbiətin oyanışını, istiliyin və işığın qayıdışını, insanların qəlbində saflaşma və yenilənmə arzularını simvolizə edən Od Çərşənbəsi Beyləqan rayonu Birinci Aşıqlı kəndində coşqu ilə qeyd olunub.
Tədbirdə Beyləqan Rayon İcra Hakimiyyəti başçısı Əziz Əzizov, Beyləqan rayon prokuroru Elşad Əzimov, DTX-nın Beyləqan rayon şöbəsinin rəisi Vidadi Qurbanov, başçının müavinləri, şöbə və sektor müdirləri, aidiyyəti şəxslər, şəhid ailələri, kənd sakinləri və ziyalılar iştirak ediblər.
Şənlik zamanı Beyləqan rayon Uşaq-Gənclər İnkişaf Mərkəzinin şagirdləri milli rəqs ilə qədim adətlərimizi canlandırıblar, Novruzun ruhunu əks etdirən mərasimlər nümayiş olunub, həmçinin Beyləqan rayon Mədəniyyət nümayəndəliyi möhtəşəm konsert proqramı ilə iştirakçılara unudulmaz anlar yaşadıb.
Od Çərşənbəsinin alovlanan tonqalı ətrafında toplaşan insanlar həmrəylik və birliyin parlaq nümunəsini göstərərək Novruzun gəlişini sevinc, ümid və xoş ovqatla qarşıladılar. Beyləqan torpağında baharın ikinci müjdəsi səmimi təbəssümlər, coşğun alqışlar və qəlblərdə yaranan xoş ovqatla unudulmaz izlər qoydu
Keçidlər
