Beyləqanda şəhid adını daşıyan daha bir küçə-şəhid Barat Quliyev küçəsi asfaltlanıb
14 aprel 2025 | 10:48
Son vaxtlar Beyləqan Rayon İcra Hakimiyyəti tərəfindən rayon ərazisində küçə yollarının yenidən qurulması ənənə halını alıb.
Görülən yenidənqurma işləri çərçivəsində şəhid Barat Quliyevin adını daşıyan küçənin də yolu yenidən qurulub.
Sözügedən avtomobil yolunda torpaq yatağının yararsız hissələri qazılaraq çıxarılıb. Karxana çınqılı materialından torpaq yatağının bərpası və qazılmış hissələrin doldurulması işləri görülüb, yol əsası inşa olunub, yeni asfalt-beton örtüyü çəkilib.
Yeni asfalt örtüyü ilə təmin edilən Barat Quliyev küçəsi sakinlər üçün daha rahat və təhlükəsiz hərəkət imkanı yaradıb. Eyni zamanda bu cür layihələr, şəhidlərimizin adını əbədiləşdirmək və onların ailələrinə olan dövlət qayğısını göstərmək baxımından mühüm əhəmiyyət kəsb edir.