Beyləqanda Ulu Öndər Heydər Əliyevin xatirəsi yad edilib.
12 dekabr 2024 | 11:37
Bu gün 12 dekabr -Xalqımızın Ümummilli Lideri, çoxəsrlik Azərbaycan tarixində misilsiz xidmətləri ilə əbədiyaşar mövqe qazanmış böyük siyasətçi, dövlət xadimi Ulu Öndər Heydər Əliyevin anım günüdür.
Beyləqan Rayon İcra Hakimiyyətinin başçısı Əziz Əzizov və RİH başçısı aparatının əməkdaşları, hüquq-mühafizə orqanlarının və YAP Beyləqan rayon təşkilatının rəhbərliyi, rayonun idarə, müəssisə, təşkilat rəhbərləri və kollektivi, şəhid ailələri, qazilər və yüzlərlə Beyləqan sakini Ümummilli Liderin abidəsini izdihamla ziyarət edərək xalqın böyük xilaskarının xatirəsinə sonsuz ehtiramlarını bildirmiş, abidənin önünə tər çiçək dəstələri düzmüşlər.
Heydər Əliyevin vəfat etməsindən 21 il ötsə də, xalqımız, eləcə də beyləqanlılar 12 dekabrı Ulu öndər Heydər Əliyevin anım günü kimi böyük el məhəbbəti, minnətdarlıq hissi ilə qeyd edir.
Azərbaycan xalqının Ümummilli lideri Heydər Əliyevin unudulmaz xatirəsi qəlbimizdə daim yaşayacaq, dahi Öndərin zəkası, əmanət qoyub getdiyi ideyaları ölkəmizin gələcəyinə sönməyən işıq tutacaqdır.
Keçidlər
