Beyləqanda Xocalı soyqırımı qurbanlarının xatirəsi yad edildi.
26 fevral 2025 | 14:14
Xocalı soyqırımının anım günü Azərbaycan xalqının birliyinin, milli təəssübkeşliyinin simvoluna çevrilib. Beyləqanda hər il olduğu kimi bu il də Xocalı soyqırımı qurbanlarının xatirəsi ehtiramla yad edildi.
Xocalı Soyqırımının 33-cü ildönümünü ilə əlaqədar Beyləqan Rayon İcra Hakimiyyətinin başçısı Əziz Əzizov, rayonun hüquq-mühafizə orqanlarının rəhbərləri, RİH başçısı aparatının bütün əməkdaşları, idarə, müəssisə təşkilat rəhbərləri və kollektivi, şəhid ailələri, qazilər, ictimaiyyət və qeyri-hökumət təşkilatlarının nümayəndələri “Soyqırımı” abidə kompleksinə gül dəstələri düzərək faciə qurbanlarının xatirəsini ehtiramla yad ediblər.
Qeyd edək ki, 1992-ci il fevralın 25-dən 26-na keçən gecə erməni hərbi birləşmələrinin Xocalıya hücumu zamanı yüzlərlə günahsız insanın, o cümlədən uşaqların, qocaların, qadınların qətlə yetirilməsi Azərbaycan tarixinin ən qanlı səhifəsidir. Törədilən soyqırımının əsl mahiyyəti ümummilli liderimiz Heydər Əliyevin siyasi hakimiyyətə qayıdışından sonra açılıb və Azərbaycan Respublikasının Milli Məclisi Xocalı soyqırımına hüquqi-siyasi qiymət verib.
Allah bütün şəhidlərimizə rəhmət eləsin!
Keçidlər
