Beyləqanda “Zəfərdən doğan iftixar” adlı konsert proqramı təşkil olunub.

04 noyabr 2025 | 11:34

Beyləqan Rayon İcra Hakimiyyətinin təşəbbüsü ilə “Konstitusiya və Suverenlik İli” çərçivəsində tədbirlərə uyğun olaraq Mil-Muğan Regional Mədəniyyət İdarəsinin Beyləqan şəhər Niyazi adına Uşaq Musiqi Məktəbinin və Mil-Muğan Regional Təhsil İdarəsinin Beyləqan rayon Təhsil Sektorunun birgə təşkilatçılığı ilə Beyləqan rayon Kəbirli kənd M. Fərzəliyev adına 1 nömrəli tam orta ümumtəhsil məktəbində 8 Noyabr-Zəfər Gününə həsr olunmuş “Zəfərdən doğan iftixar” adlı konsert proqramı təşkil olunub.

Tədbirdə Beyləqan Rayon İcra Hakimiyyəti başçısının müavini Yeganə Məmmədova, Mil-Muğan Regional Mədəniyyət İdarəsinin Beyləqan rayonu üzrə nümayəndəsi, Mil-Muğan Regional Təhsil İdarəsi Beyləqan rayon Təhsil Sektorunun müdiri, şəhid ailələrinin üzvləri, Qarabağ müharibəsi qaziləri, məktəbin müəllim-şagird kollektivi və ictimaiyyət nümayəndələri iştirak edib.

Dövlət Himninin səsləndirilməsi, Azərbaycan Respublikasının qurucusu Heydər Əliyevin və qəhrəman şəhidlərimizin əziz xatirəsinin bir dəqiqəlik sükutla yad edilməsi ilə başlayan bayram tədbirində musiqi məktəbinin şagirdləri tərəfindən təqdim olunan, dövlətçiliyimizə və zəfərimizə aid bir-birindən şən musiqilər, tamaşaçılar tərəfindən coşqu ilə qarşılanıb və hər bir iştirakçıda xoş təəssürat yaradıb.

Sonda Beyləqan Rayon İcra Hakimiyyəti Başçısının müavini Yeganə Məmmədova, Mil-Muğan Regional Təhsil İdarəsinin Beyləqan rayon Təhsil Sektorunun müdiri Elvin Məmmədov və şəhid Saleh Əsədovun anası Səadət Əsədova çıxış edərək qarşıdan gələn bayramlar münasibəti ilə tədbir iştirakçılarını təbrik edib və ən xoş təəssüratlarını bildiriblər.

Beyləqanda “Zəfərdən doğan iftixar” adlı konsert proqramı təşkil olunub.

Keçidlər