Helikopter qəzasında şəhidlik zirvəsinə ucalan baş leytenant Fərid Nağıyevin ildönümü qeyd olunub.
02 dekabr 2024 | 13:33
Azərbaycan Respublikası Dövlət Sərhəd Xidmətinin hərbi helikopterinin Xızı rayonu ərazisində yerləşən “Qaraheybət” aviasiya poliqonunda təlim uçuşları yerinə yetirərkən qəzaya uğramasından üç il ötür. Qəza nəticəsində həlak olan hərbi qulluqçuların sırasında həmyerlimiz şəhid Nağıyev Fərid Təyyar oğlu da olmuşdur.
Rayonun Şərq qəsəbəsində doğulub boya-başa çatmış şəhid Fərid Nağıyevin ildönümü mərasimi keçirilib. Hüzr mərasimində rayon İcra Hakimiyyətinin başçısı Əziz Əzizov,hüquq-mühafizə orqanlarının rəhbərləri, RİH aparatının məsul əməkdaşları,ictimaiyyətin nümayəndələri və şəhidin vaxtilə xidmət etdiyi Dövlət Sərhəd Xidmətinin hərbi qulluqçuları iştirak edib .
Şəhidin ildönümü ilə bağlı təşkil edilən ehsan süfrəsi ətrafında ruhuna dualar oxunub, döyüş yolundan söhbət açılıb.
Allah bütün şəhidlərimizə rəhmət eləsin! Ruhları şad olsun!
Keçidlər
