İcra başçısı Vətən Müharibəsi şəhidi Abdullayev Hasil Miryusif oğlunun ildönümü ilə əlaqədar yas mərasimində iştirak edib
16 oktyabr 2024 | 13:00
Beyləqan Rayon İcra Hakimiyyətinin başçısı Əziz Əzizovun şəhid ailələrini ziyarəti davam edir. Bu gün o, hüquq-mühafizə orqanlarının rəhbərləri, YAP rayon təşkilatının sədri və RİH aparatının məsul şəxsləriylə birlikdə rayonun Dünyamalılar kəndindən olan şəhid Abdullayev Hasil Miryusif oğlunun dördüncü ildönümü ilə əlaqədar yas mərasimində iştirak edib, şəhidin ailə üzvləri ilə görüşüb, onlara baş sağlığı verib, şəhidlərin ruhuna dualar oxunub.
Hasil Abdullayev 1985-ci il mayın 21-də Beyləqan rayonunun Dünyamalılar kəndində anadan olub. O, oktyabrın 16-da Füzuli döyüşləri zamanı şəhid olub.
Azərbaycan Prezidenti İlham Əliyevin müvafiq sərəncamları ilə ölümündən sonra "Vətən uğrunda", "İgidliyə görə" və "Füzulinin azad olunmasına görə" medalları ilə təltif edilib.
Şəhidin ailə üzvləri şəhid və qazi ailələrinə göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər.
Keçidlər
