Rayon rəhbəri Birinci Qarabağ müharibəsi şəhidi Nahid Rəhimovun atasının dəfn mərasimində iştirak edib.
20 fevral 2025 | 15:10
Bu gün Beyləqan rayonu Birinci Şahsevən kənd şəhidlərindən Rəhimov Nahidin atası Ağa Rəhimov haqqın rəhmətinə qovuşub.
Şəhid atasının dəfn mərasimində Beyləqan Rayon İcra Hakimiyyətinin başçısı Əziz Əzizov, hüquq-mühafizə orqanlarının rəhbərləri və Beyləqan RİH başçısının müavinləri və şöbə müdirləri iştirak edib.
Bahar qəsəbəsində dəfn olunan şəhid atasının ruhuna dualar oxunulub və torpağa tapşırılıb. Beyləqan Rayon İcra Hakimiyyətinin başçısı Əziz Əzizov şəhidin ailə üzvlərinə dərin hüznlə baş sağlığı verib, onların qayğı və problemləri ilə maraqlanıb.
Rayon rəhbəri bildirib ki, hər bir şəhid ailəsi bizə qəhrəmanlarımızdan qalan yadigarlardır və onların xatirələrinin daim yad edilməsi və yaxınlarının diqqət mərkəzində saxlanılması başlıca vəzifələrimizdəndir.
Daha sonra Beyləqan RİH başçısı Əziz Əzizov digər rəsmilərlə birgə Bahar qəsəbəsində şəhid məzarlarını da ziyarət edib, onların məzarları üzərinə gül dəstələri düzərək ruhlarını ehtiramla yad ediblər.
Keçidlər
