Rayon rəhbəri Vətən Müharibəsi şəhidi Məmmədov Elşad Əvəz oğlunun ildönümü ilə əlaqədar keçirilən məclisdə iştirak edib.
28 oktyabr 2024 | 18:55
Bu gün torpaqlarımızın azadlığı uğrunda şəhid olan Təzəkənd kənd sakini Məmmədov Elşad Əvəz oğlunun ildönümü mərasimi keçirilib.
Anım tədbirində Beyləqan Rayon İcra Hakimiyyətinin başçısı Əziz Əzizov, YAP rayon təşkilatının sədri, hüquq-mühafizə orqanlarının rəhbərləri, RİHB-nın müavini və şöbə müdirləri iştirak ediblər.
Şəhid ailə üzvləri və yaxınları ilə ehsan süfrəsi ətrafında əyləşən rəsmilər, şəhidlərimizin, o cümlədən Elşad Məmmədovun Vətən Müharibəsi zamanı qəhrəmanlığından, döyüşlərdə göstərdiyi misilsiz şücaətdən danışılıb, şəhidlərimizin ruhuna dualar oxunulub.
Beyləqan Rayon İcra Hakimiyyətinin başçısı Əziz Əzizov bildirdi ki, Müzəffər Ali Baş Komandanın rəhbərliyi ilə Rəşadətli Azərbaycan Ordusu 44 günlük Vətən Müharibəsində 30 ilə yaxın düşmən tapdağında olan torpaqlarımızı işğaldan azad etdi. RİH başçısı Azərbaycan xalqının bu tarixi zəfəri igid övladlarının qanı, canı bahasına qazandığını və bu zəfərlə bütün şəhidlərimizin qisası alındığını vurğulayıb.
Şəhidin ailəsi onlara göstərilən yüksək diqqət və qayğıya, eləcə də şəhidlərimizin xatirəsinin daim uca tutulduğuna görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya dərin minnətdarlıqlarını bildirib.
Qeyd edək ki, 2020-ci il 27 sentyabrdan könüllü olaraq ön cəbhədə döyüşlərə qatılan Elşad Məmmədov 26 oktyabrda Füzuli rayonun Əbdülrəhmanlı kəndi istiqamətində gedən döyüşlərdə şəhid olub.
Azərbaycan Prezidenti İlham Əliyevin müvafiq sərəncamlarına əsasən Elşad Məmmədov ölümündən sonra "Vətən uğrunda", "Xocavəndin azad olunmasına görə" və “Füzulinin azad olunmasına görə" medalları ilə təltif edildi.
Keçidlər
