Rayon rəhbəri Vətən Müharibəsi şəhidlərinin ildönümü ilə əlaqədar ailələrini ziyarət edib.
10 noyabr 2024 | 14:40
Beyləqan Rayon İcra Hakimiyyətinin başçısı Əziz Əzizov YAP rayon təşkilatının sədri, hüquq-mühafizə orqanlarının rəhbərləri, RİHB-nın müavini və şöbə müdirləri ilə birgə Qəhrəmanlı qəsəbəsində şəhid Bayramlı Tural Adil oğlu, Şərq qəsəbəsində şəhid Mikayılzadə Mikayıl Vidadi oğlu, Yuxarı Kəbirli kəndində şəhid Hüseynli Elxan Habil oğlunun ildönümləri ilə əlaqədar ailələrini ziyarət edib.
Ziyarət zamanı Müzəffər Ali Baş Komandan İlham Əliyevin rəhbərliyi altında Azərbaycan Ordusunun qəhrəmanlığından, döyüşlərdə göstərdiyi misilsiz şücaətdən danışılıb, şəhidlərimizin ruhuna dualar oxunulub.
Beyləqan Rayon İcra Hakimiyyətinin başçısı Əziz Əzizov Zəfəri bizə qazandıran, torpaqlarımızı yağı düşməndən azad edən şəhidlərimizin ailələrinə dərin hüznlə baş sağlığı verib, onların mövcud vəziyyəti, problem və qayğıları ilə maraqlanıb.
Şəhidlərin ailələri onlara göstərilən yüksək diqqət və qayğıya, eləcə də şəhidlərimizin xatirəsinin daim uca tutulduğuna görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya dərin minnətdarlıqlarını bildirib.
Keçidlər
