Rayonun Sarısu qəsəbəsində səyyar qəbul-görüş keçirilmişdir.
15 avqust 2023 | 09:46
Rayon İcra Hakimiyyətinin başçısı Asif Ağayevin 15 avqust 2023-cü il tarixdə rayonun Sarısu qəsəbə sakinləri ilə səyyar qəbul-görüşü keçirilib.
Görüşdə Rayon İcra Hakimiyyətinin, rayonun hüquq-mühafizə orqanlarının, xidmət sahələrinin rəhbərləri, ərazidə yaşayan yerli sakinlər və məcburi köçkünlər, idarə, müəssisə, təşkilat, bələdiyyə, özəl qurum rəhbərləri, şəhid ailələri, müharibə əlilləri və iştirakçıları, kütləvi informasiya vasitələrinin nümayəndələri iştirak edib.
Tədbir iştirakçıları şəhidlərin xatirəsini bir dəqiqəlik sükutla yad etdikdən sonra Asif Ağayev sakinlərdən onları narahat edən məsələlər barəsində çıxış etmələrini xahiş etdi.
Görüşdə qəsəbə sakinləri içməli su təminatının yaxşılaşdırılmasını, pay torpaq sahəsinin suvarma suyu ilə təmin olunmasını, dren kanalının təmizlənməsini, qəsəbə tam orta məktəbə şəhid adının verilməsini xahiş etdilər.
Müraciətlərin bəziləri yerindəcə araşdırılımış, qanunamüvafiq izahatları verilmiş, həlli vaxt tələb edən digər məsələlər nəzarətə götürülmüşdür.
Sonda Sarı-su qəsəbə sakinləri əhalinin problemlərinin həlli istiqamətində Prezident İlham Əliyevin rəhbərliyi ilə həyata keçirilən tədbirlərə, dövlət tərəfindən göstərilən diqqət və qayğıya görə öz minnətdarlıqlarını bildiriblər.
Keçidlər
