Rayonun təhsil, səhiyyə və mədəniyyət sahəsində çalışan rəhbər və məsul şəxslərlə görüş keçirildi.
03 sentyabr 2024 | 10:15
Beyləqan Rayon İcra Hakimiyyətinin başçısı Əziz Əzizov İcra Hakimiyyətinin inzibati binasında rayonun təhsil, səhiyyə və mədəniyyət sahəsində çalışan rəhbər və məsul şəxsləri qəbul edib.
Tədbiri giriş nitqi ilə açan Beyləqan Rayon İcra Hakimiyyətinin başçısı Əziz Əzizov Ulu Öndər Heydər Əliyevin bütün fəaliyyəti dövründə elm, təhsil, mədəniyyətin inkişafına xüsusi qayğı ilə yanaşmasından, ölkə Prezidenti cənab İlham Əliyevin müvafiq sahələrə göstərdiyi diqqət və qayğıdan, aparılan islahatlardan danışıb.
Tədbirdə son illər Beyləqan rayonunda təhsil, səhiyyə və mədəniyyət sahəsində görülmüş işlərdən, əldə olunan irəliləyişlərdən, qarşıda duran vəzifələrdən və həllini gözləyən bir sıra problemlərdən söz açılıb, mövcud reallığa əsaslanmaqla müəssisələrin vəziyyəti təhlil edilərək müvafiq tapşırıqlar verilib.
Bundan basqa DİM tərəfindən 2024/2025-ci tədris ili üçün ali məktəblərə keçirilən qəbul imtahanlarında rayon məktəblərinin məzunlarının nəticələri müzakirə olunub və yaxın günlərdə RİH başçısı tərəfindən 550-dən yuxarı bal toplayan məzunlarla görüşün keçirilməsinin zəruriliyi vurğulanıb.
Beyləqan RİH başçısı Əziz Əzizov təhsil, səhiyyə və mədəniyyət işçilərini üzərilərinə düşən məsuliyyəti layiqincə dəyərləndirməyə və çalışdıqları müəssisələrin inkişafı naminə səylə çalışmağa çağırıb.
Keçidlər
