Şəhid Fərzəlizadə Emin Fərman oğlunun şəhadətinin ildönümü qeyd edilib.
04 dekabr 2024 | 17:24
Bu gün 44 günlük Vətən Müharibəsinin qəhrəmanlarından Yeni Mil qəsəbə sakini Fərzəlizadə Emin Fərman oğlunun şəhadətinin 4-cü ildönümü doğulduğu evində, ata ocağında qeyd edilib.
Beyləqan RİH başçı Əziz Əzizov, YAP Beyləqan rayon təşkilatının və hüquq-mühafizə orqanlarının rəhbərləri, RİH nümayəndələri şəhidin xatirəsinə keçirilən mərasimdə iştirak ediblər.
Beyləqan RİH başçısı Əziz Əzizov şəhidin yaxınlarına dərin hüznlə baş sağlığı verib və bildirib ki, şəhidlərimizin tökülən qanı yerdə qalmayıb, onların ruhları şaddır, çünki Müzəffər Ali Baş Komanda İlham Əliyevin rəhbərliyi altında Azərbaycan ordusunun qəhrəmanlığı, şücaəti hesabına torpaqlarımızın suverenliyi bərpa olub, Qarabağımız düşmən tapdağından azaddır.
Əziz Əzizov şəhid Emini böyüdən valideynlərinə təşəkkür edib, indi Eminin bütöv Azərbaycanın övladı olduğunu, onunla xalqımızın fəxr etdiyini diqqət çatdırıb.
Şəhidin ailə üzvləri onlara göstərilən yüksək diqqət və qayğıya, şəhidlərimizin xatirəsinin daim uca tutulduğuna görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya, eləcə də rayon rəhbərliyinə dərin minnətdarlıqlarını bildirib.
Keçidlər
