Şəhid Həsənov Ərəstun Əfşan oğlunun doğum günü qeyd olunub.
10 sentyabr 2024 | 13:27
Beyləqan rayonu Kəbirli kəndində 44 günlük Vətən Müharibəsində şəhidlik zirvəsinə ucalan Həsənov Ərəstun Əfşan oğlunun doğum günü qeyd olundu.
Şəhidin doğum günü münasibəti ilə Beyləqan Rayon İcra Hakimiyyəti başçısı Əziz Əzizov, RİH başçısı aparatının Vətən Müharibəsi iştirakçıları və şəhid ailələri ilə işin təşkili şöbəsinin müdiri Heybət Əliyev, Qarabağ Müharibəsi Əlilləri, Veteranları və Şəhid Ailələri İctimai Birliyinin Beyləqan rayon şöbəsinin sədri Rövşən Namazəliyev şəhidin ailə üzvləri ilə birgə məzarını ziyarət edərək əziz xatirəsini ehtiramla yad ediblər, ruhuna dualar oxuyublar. RİH başçısı Əziz Əzizov şəhidimizin ailəsinə və yaxınlarına başsağlığı verib, onlara belə qəhrəman oğul böyütdükləri üçün təşəkkür edib.
Vətən Müharibəsinin qəhrəman şəhidlərindən Ərəstun Əfşan oğlu Həsənov 1990-cı il sentyabrın 10-da Beyləqan rayonunun Kəbirli kəndində anadan olub. Azərbaycan Ordusunun kiçik çavuşu olan Ərəstun Həsənov 2020-ci il sentyabrın 27-də başlanan Vətən müharibəsi zamanı Qubadlının azadlığı uğrunda gedən döyüşlərdə savaşıb. O, noyabrın 3-də Şuşa şəhəri istiqamətində gedən hərbi əməliyyatlar zamanı şəhid olub. Beyləqan rayonunun Kəbirli kəndində dəfn edilib.
Allah rəhmət eləsin!
Keçidlər
