Şəhid Məhərrəmov Vasif Üzeyir oğlunun ildönümü ilə əlaqədar ailəsi ziyarət edilib.
28 noyabr 2024 | 10:34
Bu gün Azərbaycan Silahlı Qüvvələrinin giziri şəhid Məhərrəmov Vasif Üzeyir oğlunun ildönümü ilə əlaqədar Beyləqan Rayon İcra Hakimiyyətinin başçısı Əziz Əzizov, hüquq-mühafizə orqanlarının rəhbərləri və RİH başçısı aparatının nümayəndələri Milabad qəsəbəsində şəhidin ailəsini ziyarət ediblər.
Ziyarət zamanı şəhidin qısa amma mənalı həyatından, Vətənə olan sevgisindən, döyüşlər zamanı şücaətindən söz açılıb, ruhuna dualar oxunularaq əziz xatirəsi ehtiramla yad edilib.
RİH başçısı Əziz Əzizov şəhidin ailəsinə baş sağlığı verib, vətənə laiq belə övlad böyütdükləri vaıideyinlərinə təşəkkür edərək, onların qayğı və problemləri maraqlanıb.
Şəhidin ailə üzvləri ziyarətçilərə öz minnətdarlığını bildirərək onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya, eləcə də rayon rəhbərliyinə öz təşəkkürünü bildirib.
Xatırladaq ki, Azərbaycan Ordusunun giziri olan Vasif Məhərrəmov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Cəbrayılın, Füzulinin və Qubadlının azadlığı uğrunda gedən döyüşlərdə savaşıb və fərqlənib.
Vasif Məhərrəmov 2021-ci il yanvarın 1-də Qubadlı rayonu ərazisində minaya düşməsi nəticəsində şəhid olub.
Allah rəhmət eləsin!
Keçidlər
