Vətən Müharibəsi şəhidi Quliyev Orxanın ildönümü qeyd edilib.
15 oktyabr 2024 | 15:06
Bu gün Beyləqan RİH başçısı Əziz Əzizov rayonun hüquq-mühafizə orqanlarının və YAP rayon təşkilatının rəhbərliyi, RİH-in nümayəndələrinin iştirakı ilə daha bir şəhidimizin-Aşıqalılar kəndindən Quliyev Orxan Bəxtiyar oğlunun ildönümü mərasimində iştirak edib.
Şəhidin yaxınları ilə birgə ehsan süfrəsində əyləşən rəsmilər şəhidimizin əziz xatirəsini ehtiramla anıb, müqəddəs ruhuna dualar oxuyublar.
Rayon rəhbəri Əziz Əzizov şəhidin yaxınlarına dərin hüznlə baş sağlığı verib, şəhidlərimizin qanının yerdə qalmadığını, Müzəffər Ali Baş Komandan cənab İlham Əliyevin qətiyyətli rəhbərliyi ilə Şanlı Ordumuz tərəfindən torpaqlarımızın düşmən tapdağından azad edildiyini, buna da görə də Azərbaycan xalqının canından keçən hər bir Vətən övıadına borclu olduğunu bildirib.
Şəhidin ailə üzvləri Orxan Quliyevin Vətən Müharibəsi zamanı keçdiyi şərəfli yoldan xatirələrini bölüşüb, onlara göstərilən diqqət və qayğıya görə başda ölkə Prezidentimiz cənab İlham Əliyev və Birinci vitse-prezident Mehriban xanım Əliyeva olmaqla rayon rəhbərliyinə təşəkkürlərini bildiriblər.
Keçidlər
