BEYLƏQAN RAYON Icra Hakimiyyəti

Ünvan: AZ1200, Beyləqan şəhəri , H.Əliyev küçəsi 25.
Faks: (+994) 225 29 17
E-mail: mail@beyleqan-ih.gov.az

Xəbərlər

Azərbaycan Ordusunun giziri doğulduğu Beyləqan rayonu Qəhrəmanlı qəsəbəsində dəfn olundu.
2021-07-24
Azərbaycan Ordusunun Kəlbəcərdə şəhid olan giziri dəfn edilib Ötən gün Ermənistan silahlı qüvvələrinin Kəlbəcər rayonu sahəsindəki mövqelərimizi atəşə tutması nəticəsində şəhid olan hərbi qulluqçumuz, gizir Yaqublu Fərman Telman oğlu Beyləqan rayonunda dəfn olunub.
Beyləqan rayonunda Qurban bayramı münasibətilə şəhid ailələri və qazilərə bayram sovqatları paylanılmışdır.
2021-07-21
Qurban bayramı münasibəti ilə 21.07.2021-ci il tarixdə növbəti dəfə Beyləqan rayon İcra hakimiyyəti, Səfərbərlik və Hərbi Xidmətə Çağırış üzrə Dövlət Xidmətinin Beyləqan rayon şöbəsi və Türkiyənin Milliyətci həkimlər dərnəyinin başqanı Semih Uşaklıoglu tərəfindən şəhid və qazi ailələri ziyarət edilmiş və onlara bayram sovqatları paylanılmışdır.
Beyləqanda şəhid ailələri mütəmadi ziyarət olunur.
2021-07-19
19 iyul 2021-ci il tarixdə Beyləqan rayon İcra hakimiyyəti başçısı aparatının Vətən Müharibəsi İştirakçıları və Şəhid ailələri ilə İşin Təşkili Şöbəsi müdiri Heybət Əliyev ərazi icra nümayəndəsi, bələdiyyə və ictimai nəzarətin Beyləqan şöbəsi üzrə sədri Asif Quliyev və əməkdaşları ilə birlikdə Qaralılar kəndindən olan şəhidimiz Vəzirov Cəlal Bədirxan oğlunun ailəsini ziyarət edib.
Beyləqanda şəhid ailələri və qazilərə orden və medallar təqdim olunub.
2021-07-06
06.07.2021-ci il tarixdə İcra Hakimiyyətinin və Səfərbərlik və Hərbi Xidmətə Çağırış üzrə Dövlət Xidmətinin Beyləqan rayon şöbəsinin birgə təşkilatçılığı ilə Beyləqan şəhərində yerləşən Heydər Əliyev Mərkəzində şəhid ailələri və qazilərlə görüş təşkil edilib. Görüşdə müharibə qəhrəmanlarına Prezident, Silahlı Qüvvələrin Ali Baş Komandanı İlham Əliyevin müvafiq Sərəncamı ilə verilən orden və medallar təqdim olunub.
Əbədi qəhrəman!
2021-07-04
Bu gün Vətən müharibəmizə, qələbəmizə bütün varlığını verərək şəhid olan qəhrəmanlarımızdan biri Nəsirov İlyas Arzuman oğlunun doğum günüdür. Şəhid kəşfiyyatçımız ömrünü, gününü və nəhayət canını torpağımızın, vətənimizin azadlığı uğrunda fəda etdi. O, 1985-ci il iyulun 4-də Beyləqan rayonunun Milabad qəsəbəsində anadan olub. Böyükdən kiçiyə hamının hörmət və rəğbətini qazanan qəhrəmanımızın döyüş yolu uzun və şərəfli olmuşdur.